قصة خائفة افقد حنانك

بسم الله الرحمن الرحيم
حبيت انقل لكم قصة من تاليفي وانشاءالله تعجبكم ومسامحه اذا كانت مب بالمستوى المطلوب لاني مبتدئة وهذي اول قصة لي واتمنى تعجبكم ...

((خايفه افقد حنانك))

الجزء الأول

في ايام البرد وفي وقت الليل والناس كلهم راقدين كانوا العشاق يبنون مستقبلهم ويحلمون مثل كل اثنين يبون يكملون طريجهم مع بعض ...
خالد:حبيبتي تدرين والله احبج وانشاءالله باقرب وقت بنكون حق بعض
ريم:وانا بعد بس حبيبي بليييز لاتطول السالفه وايد لانك تدري كل يوم واحد ياي يتقدم لي وطبعا انا ارفض عشانك بس ماادري احس بيتنا تعبوا معاي اللي تقدموا لي ماعليهم كلام وبيتنا مستغربين ليش يعني انا ارفض
خالد:آة يا قلبي انشاءالله حبيبتي باسرع وقت انشاءالله
ريم:اخذ راحتك حبيبي بس لاتطول
خالد:فديتج والله والله انج ذهب وقلبج ابيض
ريم(استحت):من طيبك
خالد:ماوراج جامعة باجر
ريم:امبلة عندي
خالد:عيل شمقعدج لي هالحزة يلا قومي ارتاحي
ريم:يعني انت تدري مااقدر ارتاح قبل مااسمع صوتك
خالد:فديتج يالغالية
ريم:وانت شمسهرك؟
خالد:انا اللي مسهرني مايدري عني
ريم:افا يعني انا ماادري عنك والله في بالي
خالد:وانتي اشفيج يعني واثقة هالكثر اني اقصدج
ريم(زعلت):اوكي اوكي خلاص يعني في احد غيري صح
خالد:ههههههههههه فديتج والله اتغشمر معاج وانتي سيده تزعلين لا فية غيرج ولا شي انتي تارسه عيني ومستحيل وحده غيرج تاخذ مكانج
ريم:أي أي قص علي بهالحجي
خالد:افا حبيبتي والله لو تدرين باللي بقلبي جان ماقلتي جذي
ريم(في خاطرها فديتك والله اموت فييييييييك):انزين ابي اقولك شي
خالد:آمري تدللي عيوني لج
ريم:اممممم يعني انا خايفة
خالد:افا خايفة وانا معاج ؟ من شنو حبيبتي خايفة
ريم:خايفه نفترق .. خايفة حبك يقل .. خايفة من...
خالد قاطعها:حبيبتي مليون مرة قايل لج مستحيل اني اهدج او ابتعد عنج انتي قلبي اللي بدونه اموت
ريم:اكيد
خالد:اكيدين .. ماابيج تفكرين جذي مرة ثانية ترى بزعل عليج
ريم:انشاءالله
خالد:اوكي حبيبتي يلا قومي الحين ارتاحي وباجر لين قعدتي من النوم كلميني
ريم:انشاءالله
خالد:يلا حبيبتي تصبحين على خير
ريم:وانت من اهله
خالد:امممممممم انطر انا
ريم(يازعم مافهمت):شنو ناطر
خالد:تعرفين
ريم:شنو مافهمت
خالد:مافية كلمه حلوة يعني
ريم توهقت في خاطرها(اوهو فشيلة شاقول الحين استحييييييي):اممممم باجر باجر
خالد:شنو باجر كل يوم تقولين باجر
ريم(ياربي شسوي فيه الحين مابيصكة الا لين قلت لة):اوكي بس بشرط
خالد:شنو
ريم:بقولك الكلمة وبصكه
خالد:اممممممم اوكي
ريم:أحبك باي(صكت الخط)
خالد:هههههههههههههه فديتج والله وانا احبج اكثر
قام خالد يرقد من حط راسة عالمخدة سيدة رقد او بالاصح قام يحلم ههههههههههههههههه من كثر التعب ما حس بروحه
بعرفكم عليهم ريم:عمرها 19بيضة شعرها اسود طويل وغليظ وايد وايد حلوة وكيوت طيبة وايد وحساسة وتدرس في الجامعة ...
خالد:عمرة 23 ابيض وطويل وشكله كيوت يشتغل في شركة ابوة ...


الله أكبر الله أكبر .........................

ام ريم:ريم يمه قومي اذن الصبح قومي صلي الله يرضى عليج
ريم:انشاءالله يمه ... قامت ريم وتيددت وصلت الصبح :شيرقدني الحين بقعد اراجع حق الكوز احسن لي .. تمت ريم تراجع لي الساعه7 .. تلفونها يرن (نوف يتصل بك):الووووووووووو
نوف وصوتها رقاد توها قاعده:هلا هلا اشعندج قاعده
ريم:قمت اصلي وقلت بدرس حق الكوز قومي قومي خستي عفنتي من الرقاد قومي بسرعه تبرزي ترى هرن واحد ماطلعتي بمشي عنج
نوف:انزين لا تحنين بروحي توني قاعده
ريم:لا والله يلا قومي بسرعه ببرز وبمرج ترى مابقى شي محاضرتنا الساعه 8
نوف:اوكي
ريم:يلا باااااي
نوف:باي
نوف:عمرها19 قد ريم حلوة بس مب احلى من ريم بيضة وشعرها بني وقصير...
قامت ريم تتبرز ونوف بعد قامت تتبرز
ريم نزلت الصاله امها واختها واخوها وامها يتريقون:صباح الخير
كلهم:صباح النور
نور اخت ريم:زين بعد جفناج يلا تعالي تريقي خوب انتي كله صاكة هالباب وعينج في الكتاب
ريم:ههههه شسوي مستقبلي يا حظي
نور:اقول عن الحجي الزايد والمثاليات وتعالي تريقي احسن لج
ام ريم:أي حجي الصج يصير حجي زايد
راشد اخو ريم:يمه هذي بنتج ما منها فايده صبري عليها لي آخر السنه وجوفي جم مادة بتييب
نور:لا والله بسم الله علي قلنا مااحب الدراسة بس بنجح انشاءالله اقولك يمدحون البراشيم
ام ريم تخزها:شنو شنو لين صادوج ونادوني بقولهم مالي خص فيها استحي على ويهج وتركي هالسوال عنج
نور بصوت خفيف:اوكي عشان مااتخرج بعد
ام ريم:تعالي ريم يمه تريقي
ريم:لايمة تاخرت على الجامعه ونوفو تنطرني الحين بتسوي لي حفلة انا اقولها لا تاخريني وانا اللي تاخرت عليها
ام ريم:انزين بسوي لج شي تاكلينة
ريم:لا يمة بناكل عقب يلا مع السلامه
ام ريم:الله يسلمج ويحفظج شوي شوي لاتسوقين بسرعه
ريم:انشاءالله يمة
نور:اقول يمه بقولج شي خطييييير حده
ام ريم:قولي
نور:انا لين خذت الليسن اقولج بشاخط مشاخط
ام ريم:لا والله اصلا انتي مينونه مب مالت ليسن شكلنا مابنخليج تاخذين الليسن ولا شي
نور:لا والله حلال على بنتج ريمو وانا لا
ام ريم:سكتي بس واكي
راشد:هههههههه فشلوها
نور:اسكت انت بتجوف ان ماخذتة وشاخطت
كملوا ريوقهم وراحت نور مدرستها وراح راشد شغلة
نور:عمرها 18 آخر سنة مدرسة حلوة وحدها هبلة تحب اختها وايد
راشد:عمرة24 يشتغل في شركة راقيه ويحب امه وابوة وخواته وايد قلبة طيب وحساس شوي

ريم تصيح هرن نوف طلعت معصبة:لا والله ليش بعد جان ماييتي لالا روحي ردي بيتكم خست وانا انطر
ريم:سوري والله الاسايمنت مالي مادري وينه قعدت ادورة وما تم مكان ما....
نوف قاطعهتها: بس بس انزين لكن لاتعيدينها احسن لج
ريم:ههههههههه انشاءالله
نوف:عبالي بعد
ريم:وايد عطيتج ويه
نوف:يلا سوقي وانتي ساكته تاخرنا
ريم:أي والله جان مايطردنا الحين
نوف:ية اشعليج منه
راحوا الجامعة ودشوا المحاضرة ومحد قالهم شي













الجزء الثاني
الدكتور:بتادروا تتفضلوا هلاء
(تقدرون تتفضلون الحين)
ريم:يلا قومي خلنطلع
نوف:يلا
الدكتور:ريم نوف تعالوا بدي ياكم شوي
(ريم نوف تعالوا ابيكم شوي)
ريم:امبييييييية نوفو اشصاير اشيبي فينه
نوف:اشدراني انا انتي اشفيج خوافه عادي خنروح نجوف اشيبي
ريم:يلا
نوف:خير دكتور
الدكتور:امم نوف انتي وريم كتير بتتاخروا ما بدي تاخير مرة تانيه انا سكت اليوم مشان ما احرجكم ادام الطلبة
(نوف انتي وريم وايد تتاخرون ماابي تاخير بعد انا سكت اليوم عشان مااحرجكم جدام الطلبة)
نوف:انشاءالله دكتور
راح الدكتور عنهم
نوف:جفتي هذي سوالفج كنت بقوله انتي ماخرتنا لكن سكت ادري فيج مابتردين
ريم:اوووة شسوي يعني ماعليج منه
نوف:لا والله ماعلي منة جان رديتي انتي عيل
ريم:نوفو
نوف:انزين انزين يلا نطلع .. الا وين الربع؟
ريم:فطوم ومريوم جنه واقفين برع السكشن امشي نروح لهم
نوف:يلا
ريم:هاي بنات
فطوم:ها انتوا اشقالكم الدكتور
نوف:اشقال بعد متاخرين ومادري شنو كلة من حضرة الشيخه ريم
ريم:يه شسوي بعد اسايمنتي مادري وينه
مريوم:أي صح سويتوا الاسايمنت الثاني
نوف:ولا ادري عنه تعبانه يااختج شاسوي
ريم:انا سويت شوي منه
فطوم:انا اليوم ببتدي فية
نوف:اقول بنات مب يواعه انتوا
فطوم ومريوم:امبلة
ريم:انا يعني مب وايد يوعانه
نوف:انزين ريمو خنروح ناكل لنا شي
ريم:افا عليج نروح ولا تزعلين
نوف:يلا عيل بنات خنروح ناكل
فطوم ومريوم:يلا
ركبوا السيارة الا ريم شهقت :وييييييييييييي نسييييييت
نوف:شنو اشصاير
ريم:خالد قالي اتصله لين قعدت ونسيت امبييية بيفضحني الحين
نوف:تصدقين صج صج صج ماعندج سالفة خرعتيني آخر شي تقولين لي (تقلدها)خالد قالي اتصله ونسيت
فطوم:ايوة ايوة عاش الحب
ريم استحت:ههههههههههههه
مريوم:يلا متى العرس نبي نرقص
ريم:والله ماادري الله يسهل
كلهم:انشاءالله
ريم:بتصل له لا تسوون فوضه سمعتوا
نوف:اقول اتصلي بس
خالد(زعلان):الو
ريم:هلا والله
خالد من غير نفس:هلا فيج
ريم:آسفة
خالد:لا عادي اصلا تعودت
ريم:افا ليش تقولي جذي
خالد:انتي ادرى
ريم:والله سوري كنت مستعيلة الاسايمنت مالي مادري وين حطيتة وتميت ادورة حتى نوفو تاخرت عليها
نوف:هييي هييي انتي اصغر عيالج نوفو قولي جدامة الشيخه نوف (تصارخ عشان خالد يسمعها) الخلد ترى صج صج تاخرت علي خوب هذي هبلة تضيع كل شي ماتدري وين الله قاطها سامحها هالمرة مابتعيدها
خالد يضحك في خاطرة(كلهم هبل):لا والله شنو الخلد اشفيها رفيجتج
ريم:ها لالا اتغشمر
خالد:ههههههههههههه كلكم هبل
ريم:لا والله
خالد:اتغشمر فديتج .. انزين وين انتي الحين ؟
ريم:يبون يتريقون بنروح أي محل
خالد:اوكي الغالية بس لاتتاخرين عن محاضراتج
ريم:انشاءالله
خالد:انا بخليج الحين عندي شغل واااااااايد
ريم:يعطيك العافية
خالد:الله يعافيج يلا تحملي بروحج
ريم:اوكي وانت بعد
خالد:باي
ريم:باي
صكتة من عندة:نوفو ما قلت لج عن الازعاج
نوف:يه عادي الا الخلد
ريم:لا والله اسمه الشيخ خالد
نوف:ويهج عاد الخلد وزين بعد ما قلت خلود
ريم:قصورج بعد بس يلا سكتي
راحوا يتريقون بسرعه عشان يلحقون على محاضرتهم اللي عقب